ខុមហ្វ្រែលបានរៀបចំកម្មវិធីសិក្ខាថ្នាក់ជាតិស្តីពី «បញ្ហាប្រឈម និងអនុសាសន៍កំណែទម្រង់លើការបោះឆ្នោត» នៅសណ្ឋាគារសាន់វេ ភ្នំពេញ

ថ្ងៃទី១៤ ខែកុម្ភៈ ឆ្នាំ២០២៥ ខុមហ្វ្រែលបានរៀបចំកម្មវិធីសិក្ខាថ្នាក់ជាតិស្តីពី «បញ្ហាប្រឈម និងអនុសាសន៍កំណែទម្រង់លើការបោះឆ្នោត» នៅសណ្ឋាគារសាន់វេ ភ្នំពេញ។ គោលបំណងនៃសិក្ខាសាលាមានចំនួន៣៖ ១.បង្ហាញពីវិធីសាស្រ្ត ប្រធានបទ និងបញ្ហាប្រឈម សំខាន់ៗ ដែលបានរកឃើញពីសិក្ខាសាលា និងកិច្ចសន្ទនានៅតាមបណ្តាខេត្ត, ២. ផ្តល់ឳកាសឳ្យភាគីពាក់ព័ន្ធ ពិភាក្សាលលើបញ្ហាប្រឈម នៃការបោះឆ្នោត និងអនុសាសន៍ក្នុងការកែលម្អការបោះឆ្នោត, ៣. លើកទឹកចិត្តឳ្យភាគីពាក់ព័ន្ធបង្ហាញពីការតាំងចិត្តចូលរួម សម្រាប់ការកែលម្អការបោះឆ្នោតទៅខាងមុខ។

សិក្ខាសាលាមានចំនួនអ្នកចូលរួម សរុប ៨២នាក់ ដែលស្រ្តីមានចំនួន ២៦នាក់ (ក្នុងនោះមានយុវជន៩នាក់ អាយុក្រោម៣០ឆ្នាំ)
សមាសចូលរួមមកពី៖

• តំណាងមកពីខាងព្រឹទ្ធសភា ចំនួន២រូប
• តំណាងមកពីខាងក្រសួងមហាផ្ទៃចំនួន២រូប
• តំណាងមកពីខាង គជប ចំនួន៣រូប
• តំណាងមកពីខាងស្ថានទូត៧ អ្នកតំណាងចំនួន៧ នាក់ (ស្រី្ត៤នាក់)
• តំណាងមកពីគណបក្សនយោបាយ៩ អ្នកតំណាងចំនួន២៤នាក់ (ស្រី្ត៤នាក់)
• ម្ចាស់ជំនួយរបស់អង្គការចំនួន៣ (ស្រី្ត១នាក់)
• តំណាងពីខាងUN ចំនួន១នាក់ (ស្រី្ត១នាក់)
• តំណាងមកពីអង្គការសង្គមស៊ីវិលចំនួន២៥ អ្នកតំណាងចំនួន៣១នាក់ (ស្រី្ត១៥នាក់)
• វាគ្មិន និងអ្នកសម្របសម្រួលចំនួន៨នាក់ (ស្រី្ត១នាក់)។