ការផ្សាយផ្ទាល់សម្លេងសង្គមស៊ីវិល(VOC) សម្រាប់ថ្ងៃពុធ ទី២០ ខែមិនា ឆ្នាំ២០១៩ នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច» ប្រធានបទ៖ «បំណុលសាធារណៈរបស់កម្ពុជា» វាគ្មិនកិត្តិយស៖ - លោកបណ្ឌិត មាសនី អ្នកវិភាគ និងជាអ្នកឃ្លាំមើលផ្នែកអភិវឌ្ឍន៍សង្គម(ភ្ជាប់តាមទូរស័ព្ទ) - លោក សន ជ័យ នាយកប្រតិបត្តិសម្ព័ន្ធគណនេយ្យភាពសង្គមកម្ពុជា - លោក ហេង គឹមហុង មន្រ្តីគម្រោងនៃមជ្ឈមណ្ឌល PDP សម្របសម្រួលដោយ៖ លោក លី ចាន់ដារ៉ាវុត កម្មវិធីសូមស្វាគមន៍ដោយរីករាយ ​ តាមរយៈ៖ វិទ្យុសំបុកឃ្មុំ (FM105 MHz) ភ្នំពេញ លេខទូរស័ព្ទចូលរួម៖ 012 43 34 37 / 015 72 41 71 / 016 54 43 98
បេសកកម្មរបស់ខុមហ្វ្រែល គឺជួយបង្កើតបរិយាកាស គួរជាទីពេញចិត្ដ និងមានពត៌មានគ្រប់ គ្រាន់ ទី១/ ដើម្បីឱ្យមានដំណើរការ បោះឆ្នោតដោយសេរី និងយុត្ដធម៌ តាម​រយៈ​ការ​បញ្ចុះ​បញ្ចូល តស៊ូមតិ ដើម្បី ទទួលបាននូវក្របខ័ណច្បាប់ សមរម្យ, ការអប់រំ ដើម្បីផ្ដល់ពត៌មាន ដល់​អ្នក​បោះឆ្នោត អំពីសិទ្ធិ និង សកម្មភាពចូលរួម សង្កេតការណ៍ របស់ពួកគេ ដែលអាចរារាំង នូវ​ភាព​មិន​ប្រក្រតី ព្រមទាំងផ្ដល់នូវ របាយការណ៍ អង្កេតយ៉ាង ទូលំទូលាយ និងឆាប់រហ័ស ដើម្បី​អាចឱ្យមានការវាយតម្លៃ លើដំណើរការ បោះឆ្នោតមួយ ដែលមិនលំអៀង និង​មិន​ប្រកាន់​បក្ស​ពួក ទី២/ ដើម្បីឱ្យមានអត្ថន័យ នៃដំណាក់កាល ក្រោយពេល បោះឆ្នោត តាមរយៈការអប់រំ និង​វេទិកា​សា​ធារណៈ ក្នុងគោលបំណង ជំរុញលើកទឹកចិត្ដ ប្រជាពលរដ្ឋឱ្យចូលរួម ក្នុង​កិច្ច​ការ​នយោ​បាយ និង​ការធ្វើសេចក្ដីសំរេចនានា ការតស៊ូមតិ/បញ្ចុះបញ្ចូល ដើម្បី ឱ្យមានការកែទម្រង់ ដំណើរ​ការបោះឆ្នោត ដែលបង្កើន នូវគណនេយ្យភាព (ការទទួលខុសត្រូវ) របស់​មន្ដ្រី​ជាប់​ឆ្នោត ព្រមទាំងផ្ដល់នូវរបាយការណ៍ អង្កេតយ៉ាង ទូលំទូលាយ និងឆាប់រហ័ស ដើម្បី​អាច​ឱ្យ​មាន​ការ វាយតម្លៃមួយ ដែលមិនលំអៀង និងប្រកាន់បក្សពួក ទៅលើការបំពេញកម្ម វិធី​នយោ​បាយ និង​ដំណើរការ អនុវត្ដន៍ ការងាររបស់មន្ដ្រី ជាប់ឆ្នោត។