តំណាងខុមហ្វ្រែលប្រចាំខេត្តត្បូងឃ្មុំ បានរៀបចំកិច្ចពិភក្សានៅឃុំសង្កាត់ ស្តីពីតួនាទី ភារកិច្ច និងគោលការណ៍អភិបាលកិច្ចល្អ នៅឃុំជីរោទិ៍ទី៣

នៅថ្ងៃទី២១ ខែកុម្ភៈ ឆ្នាំ២០២៥ តំណាងខុមហ្វ្រែលប្រចាំខេត្តត្បូងឃ្មុំ បានរៀបចំកិច្ចពិភាក្សានៅឃុំសង្កាត់ ស្តីពីតួនាទី ភារកិច្ច និងគោលការណ៍អភិបាលកិច្ចល្អ ដែលធ្វើឡើងនៅឃុំជីរោទិ៍ទី៣ ស្រុកត្បូងឃ្មុំ ខេត្តត្បូងឃ្មុំ។
សមាសភាពចូលរួម ៖ សរុប ៣៥នាក់ ស្រ្តី ២៣នាក់ និងសមាសភាពភាគច្រើនជាយុវជន ។

កិច្ចពិភាក្សានេះ មានមតិបើកកម្មវិធី និងសំណេះសំណាលដោយលោកមេឃុំស្តីទី ឃុំជីរោទិ៍៣ ។
កិច្ចពិភាក្សានេះ បានដំណើរការតាមរបៀបវារៈដែលបានគ្រោងទុក ក្នុងនោះ លេខាខុមហ្វ្រែល បានចែករំលែកចំណេះដឹងទាក់ទង តួនាទី ភារកិច្ច និងគោលការណ៍អភិបាលកិច្ចល្អនៅឃុំសង្កាត់ ដែលរដ្ឋបាលឃុំសង្កាត់ត្រូវជម្រុញ និងគាំពារ ។
ក្រោយពីបានចែករំលែក អ្នកចូលរួមបាន ធ្វើការសាកសួរព័ត៌មានផ្សេងៗ និងសំណូមពរដល់ តំណាងក្រុមប្រឹក្សាឃុំសង្កាត់ ដើម្បីឱ្យទទួលបានជាព័ត៌មាន និងដំណោះស្រាយ ។
ចុងក្រោយ អ្នកចូលរួមបានយកចំណេះដឹង និងធ្វើការឆ្លុះបញ្ចាំងការងាររបស់ក្រុមប្រឹក្សាឃុំសង្កាត់ កន្លងមក តាមរយៈការផ្តល់ពិន្ទុលើ ការបំពេញ និងគាំពារលើគោលការណ៍អភិបាលកិច្ច្អល្អ ៥ ចំណុច រួមមាន
១) ការចូលរួម
២) តម្លាភាព
៣) សមធម៌ និងបរិយាបន្ន
៤) ប្រសិទ្ធភាព ប្រសិទ្ធផល
៥) ការឆ្លើយតប ។
ជាលទ្ធផលនៃការផ្តល់ពិន្ទុ ឃើញថាអ្នកចូលរួមទទួលបានការពេញចិត្តពីការអនុវត្តរបស់ក្រុមប្រឹក្សាឃុំសង្កាត់ ។