នៅថ្ងៃទី១១ ខែកក្កដា ឆ្នាំ២០២៤នេះ អង្គការខុមហ្រ្វែលបានរៀបចំកម្មវិធីសិក្ខាសាលា ស្តីពីការបោះឆ្នោត និងលំហប្រជាធិបតេយ្យ នៅខេត្តកំពង់ឆ្នាំង

នៅថ្ងៃទី១១ ខែកក្កដា ឆ្នាំ២០២៤នេះ អង្គការខុមហ្រ្វែលបានរៀបចំកម្មវិធីសិក្ខាសាលា ស្តីពីការបោះឆ្នោត និងលំហប្រជាធិបតេយ្យ នៅសណ្ឋាគារ រស្មីសុខាញូយ៉ក ស្ថិតក្នុងសង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ កម្មវិធីនេះមានការចូលរួមពីតំណាងរដ្ឋបាលខេត្តកំពង់ឆ្នាំង(ឯកឧត្តម អម សុភា អភិបាលរងនៃគណៈអភិបាលខេត្តកំពង់ឆ្នាំង) លោក ឈឹម ច័ន្ទធន (ប្រធានលេខាធិការដ្ឋានរៀបចំការបោះឆ្នោតខេត្តកំពង់ឆ្នាំង) លោក សុធីរ មុនីរតន៍ (ស្នងការរងនៃស្នងការដ្ឋាននគរបាលខេត្តកំពង់ឆ្នាំង) តំណាងគណបក្សនយោបាយ តំណាងអង្គការមិនមែនរដ្ឋាភិបាល អតីតគណៈកម្មការឃុំសង្កាត់រៀបចំការបោះឆ្នោត ក្រុមប្រឹក្សាឃុំសង្កាត់ ប្រជាពលរដ្ឋម្ចាស់ឆ្នោត និងអតីតអ្នកសង្កេតការណ៍ខុមហ្វ្រែល ចំនួន១០៨ នាក់ ក្នុងនោះមានស្រី ៣១នាក់ យុវជន ២៨នាក់ និង ពិការភាព ៥នាក់។