អង្គការ​ខុម​ហ្រ្វែល​បាន​រៀប​ចំ​កម្មវិធីសិក្ខាសាលា ស្តី​ពី​ការ​បោះឆ្នោត និងលំហប្រជាធិបតេយ្យ នៅខេត្តមណ្ឌលគីរី

នៅ​​ថ្ងៃទី១១ ខែមិថុនា ឆ្នាំ​២០២៤នេះ អង្គការ​ខុម​ហ្រ្វែល​បាន​រៀប​ចំ​កម្មវិធីសិក្ខាសាលា ស្តី​ពី​ការ​បោះឆ្នោត និងលំហប្រជាធិបតេយ្យ នៅ​ភោជនីយដ្ឋាន ពេជ្រដា ​ខេត្ត​មណ្ឌលគីរី។ កម្មវិធី​នេះ​មាន​ការ​ចូលរួម​ពី​តំណាងរដ្ឋបាលខេត្តមណ្ឌលគិរី (លោក ចាន់ រតនា អភិបាលរងនៃគណៈអភិបាលខេត្តមណ្ឌលគិរី) តំណាងស្នងការដ្ឋាននគរបាលខេត្តមណ្ឌលគិរី (លោក អ៊ន ប៊ុន្នីរិទ្ធិ ស្នងការរងនៃស្នងការដ្ឋាននគរបាលខេត្តមណ្ឌលគិរី) លោក គិន ជាន ប្រធានគណៈកម្មការរៀបចំការបោះឆ្នោតខេត្តមណ្ឌលគិរី តំណាងគណបក្សនយោបាយ តំណាងអង្គការមិនមែនរដ្ឋាភិបាល ប្រជាពលរដ្ឋម្ចាស់ឆ្នោត និងអតីតអ្នកសង្កេតការណ៍ខុមហ្វ្រែល អតីតគណៈកម្មការឃុំសង្កាត់រៀបចំការបោះឆ្នោត និងក្រុមប្រឹក្សាឃុំសង្កាត់ ចំនួន​៩៧ នាក់ ក្នុងនោះមានស្រី ៣៨នាក់។