អង្គការខុមហ្វ្រែលបានរៀបចំ សិក្ខាសាលា ស្តីពី «ការបោះឆ្នោត និងលំហប្រជាធិបតេយ្យ» នៅខេត្តតាកែវ
ថ្ងៃទី២៨ ខែមីនា ឆ្នាំ២០២៣ អង្គការខុមហ្វ្រែលបានរៀបចំ សិក្ខាសាលា ស្តីពី ការបោះឆ្នោត និងលំហ
ប្រជាធិបតេយ្យ នៅខេត្តតាកែវ ដែលមានគោលបំណង៖
១. បង្ហាញពីបញ្ហាប្រឈមដែលភាគីពាក់ព័ន្ធបានជួបប្រទះ ឬបានលើកឡើងក្នុងដំណើការបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០២២ កន្លងមក ។
២. ផ្តល់ឱ្យភាគីពាក់ព័ន្ធក្នុងដំណើរការបោះឆ្នោត មានលទ្ធភាពចែករំលែក ឬលើកនូវបញ្ហាដែលជួបប្រទះក្នុងពេលដំណើរការបោះឆ្នោតកន្លងមកបន្ថែមទៀត ។
៣. ផ្តល់ជាអនុសាសន៍ ឬជជែកពិភាក្សាគ្នាជាមួយអ្នកពាក់ព័ន្ធផ្សេងទៀត ដើម្បីយល់ដឹងនិងរកដំណោះស្រាយក្នុងការកាត់បន្ថយបញ្ហាប្រឈម ឱ្យមានកម្រិតទាបបំផុតនៅពេលបោះឆ្នោតខាងមុខ ។
សិក្ខាសាលានេះមានអ្នកចូលរួមចំនួន ១១៣នាក់ ក្នុងនោះមាន៖ តំណាងគណបក្សនយោបាយ តំណាងស្នងការនៃស្នងការដ្ឋាន នគរបាលខេត្ត ក្រុមប្រឹក្សាឃុំសង្កាត់ អតីតគណៈកម្មការឃុំសង្កាត់រៀបចំការបោះឆ្នោត(គ.ឃ.ស.ប) តំណាងអង្គការមិនមែនរដ្ឋាភិបាល តំណាងសហគមន៍ និងប្រជាពលរដ្ឋ។
